ᓄᓇᕗᑦ ᐸᐸᑦᑎᔨᒃᑯᖏᑦᑕ ᐱᓇᓱᐊᒐᖓᑦ ᐱᓕᕆᐊᖃᓗᐊᕋᓱᐊᖅᑐᖅ ᖃᓄᐃᓕᐅᕐᓂᐊᕐᓂᕐᒥᖕᓂᒃ ᐊᒻᒪᓗ ᓱᖅᑯᐃᓇᑦᑎᐊᖅᓯᒪᔪᑯᓗᒃᑯᑦ ᐅᖃᖅᓯᒪᐅᑦᑎᐊᖅᑐᑦ ᐸᐸᑦᑎᔩᑦ ᑎᑎᖅᑲᖁᑎᕐᔪᐊᖓᓂᒃ

ᐱᓇᓱᐊᒐᖓᑦ

ᐱᓇᓱᐊᒐᖓᑦ ᐸᐸᑦᑎᔨᒃᑯᑦ ᑮᓇᐅᔭᓂᑦ ᐊᒥᓱᕈᖅᑎᑦᑎᒐᓱᐊᕐᓗᑎᑦ ᐸᐸᑦᑎᔩᑦ ᐱᖁᑎᖏᖕᓂᒃ ᑭᒡᒐᖅᑐᐃᓗᑎᑦ ᐊᑎᓕᐅᖅᓯᒪᔪᑦ ᑮᓇᐅᔭᖅᑖᑐᒃᓴᒫᒃ ᑲᑐᔾᔨᖃᑎᒌᒃ. ᑕᐃᒪᐃᑦᑎᓪᓗᒋᑦ, ᐸᐸᑦᑎᔨᐅᔪᑦ ᑐᑭᒧᐊᑦᑎᑕᐅᓂᐊᖅᐳᑦ ᐱᖓᓱᓪᓗᐊᓂᑦ ᑐᙵᕕᓄᑦ.

  • ᑮᓇᐅᔭᑦ ᐊᒥᓱᕈᖅᑎᒐᓱᐊᕐᓗᒋᑦ ᑕᐃᒪᓐᓇᑎᑐᑦ ᖃᐅᔨᒪᓇᓱᑦᑎᐊᓲᖅᑎᑐᑦ ᑕᐃᒪᐃᒃᑲᔭᖅᑐᓂ.
  • ᑮᓇᐅᔭᓂᑦ ᐊᒥᓱᕈᖅᑎᑦᑎᓇᓱᐊᕐᓗᑎᑦ ᓈᒻᒪᑦᑐᓂᑦ ᐊᕐᕌᒍᑕᒫᑦ ᑖᒃᓰᔭᐃᓚᐅᖅᑎᓪᓗᒋᑦ ᑮᓇᐅᔾᔭᒃᓵᕋᔭᕐᒪᑕ ᐊᑎᓕᐅᖅᓯᒪᔪᑦ ᑮᓇᐅᔭᖅᑖᑐᒃᓴᒫᒃ ᑲᑐᔾᔨᖃᑎᒌᒃ ᑲᒪᒋᔭᕆᐊᓕᒻᒥᖕᓂᒃ ᑲᒪᓂᐊᕐᒪᑕ ᓄᓇᕗᒻᒥᐅᓂᒃ ᐃᓄᖕᓂᒃ.
  • ᖃᐅᔨᒪᑦᑎᐊᑎᑦᑎᓇᓱᐊᕆᐊᓖᑦ ᐊᒥᓲᓂᖏᑦ ᑖᒃᓰᔭᐃᓚᐅᖅᑎᓪᓗᒋᑦ ᐊᑭᑐᔫᑎᖏᑦ ᐸᐸᑦᑎᔨᐅᔪᑦ ᑮᓇᐅᔭᓪᓚᑦᑖᖓᓂᒃ ᑕᐃᒃᑯᐊᓴᐃᓐᓇᕐᓂᒃ 1990−ᐅᑎᓪᓗᒍ ᖃᑦᑏᓐᓇᕈᖅᑎᑦᑎᑦᑕᐃᓕᒪᓂᐊᖅᑐᑎᑦ.

ᑐᑭᓯᔭᒃᓴᐅᑦᑎᐊᖅᑐᒃᑯᑦ ᐅᖃᕐᓗᒍ, ᐸᐸᑦᑎᔨᐅᔪᖅ ᐊᑎᓕᐅᖅᓯᒪᔪᑦ ᑮᓇᐅᔭᖅᑖᑐᒃᓴᒫᒃ ᑲᑐᔾᔨᖃᑎᒌᖕᓂᒃ ᑐᓂᓯᓇᓱᐊᕆᐊᓕᒃ ᑮᓇᐅᔭᕐᓂᑦ ᐊᒥᓲᓛᖑᔪᓐᓇᖅᑐᓂᑦ ᐸᐸᑦᑎᔨᐅᔪᖅ ᐊᑭᓖᒍᓐᓇᖃᑦᑕᕐᓂᐊᕐᒪᑦ ᐊᕐᕌᒍᑕᒫᑦ ᓴᐳᔾᔨᓯᓐᓈᕐᓗᓄᑎᑦ ᐸᐸᑦᑎᔨᒃᑯᑦ ᐱᖁᑎᖏᖕᓂᒃ ᑮᓇᐅᔭᑦ ᐊᑭᒋᓲᖏᑦ ᐊᒥᓱᕈᓗᐊᕋᓗᐊᕈᑎᓪᓘᓐᓃᑦ ᖃᑦᑏᓐᓇᕈᓗᐊᕋᓗᐊᕈᑎᓪᓘᓐᓃᑦ ᐊᑐᖅᑕᐅᓲᑦ ᓄᓇᕐᔪᐊᕐᒥ. ᑮᓇᐅᔾᔭᒃᓴᒐᓱᐊᖃᑦᑕᕆᐊᖃᕐᓂᖏᑦ ᐊᒻᒪᓗ ᓴᐳᔾᔨᖃᑦᑕᕆᐊᖃᕐᓂᖏᑦ ᐱᖁᑎᓂᑦ ᑮᓇᐅᔭᑦ ᐊᑭᒋᓲᖏᑦ ᐊᒥᓱᕈᓗᐊᕋᓗᐊᕈᑎᓪᓘᓐᓃᑦ ᖃᑦᑏᓐᓇᕈᓗᐊᕋᓗᐊᕈᑎᓪᓘᓐᓃᑦ ᐊᑐᖅᑕᐅᓲᑦ ᓄᓇᕐᔪᐊᕐᒥ ᒪᓕᓪᓗᒋᑦ ᐱᔭᕆᐊᑮᓐᓇᙱᑦᑐᑯᓘᕗᖅ ᑭᓯᐊᓂᓕ ᑕᐃᒪᐃᒋᐊᖃᓪᓚᕆᑦᑐᑦ ᐸᐸᑦᑎᔨᐅᔪᑦ ᐱᕚᓪᓕᖁᓪᓗᒋᑦ ᐱᓇᓱᐊᒐᖏᖕᓂᒃ. ᑕᒪᒃᑮᑦ ᐱᓕᕆᐊᕆᒋᐊᓕᖏᑦ ᑲᒪᒋᔭᐅᔭᕇᖅᓯᒪᔭᕆᐊᓖᑦ, ᐊᐃᑉᐹᓗ ᐱᓕᕆᐊᒃᓴᖏᑦ ᖁᔭᓈᖅᑕᐅᔭᕆᐊᖃᙱᓚᑦ ᐊᐃᑉᐸᖏᑦ ᐱᓕᕆᐊᕆᒋᐊᓕᖏᑦ ᐱᕚᓪᓕᕋᓱᐊᕐᓗᒋᑦ. ᑮᓇᐅᔭᑦ ᐊᑭᖃᑦᑎᐊᖅᑎᓐᓇᓱᐊᕆᐊᖃᕐᓂᖏᑦ ᐸᐸᑦᑎᔩᑦ ᐱᖁᑎᖏᖕᓂᒃ ᑮᓇᐅᔭᑦ ᖃᑦᑎᐅᓂᕋᖅᑕᐅᓂᖏᑦ ᐊᑭᓱᕈᓗᐊᕋᓗᐊᕈᑎᓪᓘᓐᓃᑦ ᖃᑦᑏᓐᓇᕈᓗᐊᕋᓗᐊᕈᑎᓪᓘᓐᓃᑦ ᑮᓇᐅᔭᑦ ᐊᑐᖅᑕᐅᓲᑦ ᓄᓇᕐᔪᐊᕐᒥ ᒪᓕᓪᓗᒋᑦ ᑭᒡᓕᖃᖅᑎᑦᑎᓕᓲᑦ ᖃᑦᑎᑦ ᐊᑭᓕᐅᑕᐅᔪᒃᓴᐅᒐᔭᕐᒪᖔᑦ ᐸᐸᑦᑎᔨᒃᑯᓐᓄᑦ.

ᐸᐸᑦᑎᔨᐅᔪᑦ, ᖃᐅᔨᓴᒻᒪᕆᓚᐅᖅᑎᓪᓗᒋᑦ ᐊᒻᒪᓗ ᑮᓇᐅᔭᖅᑎᒍᑦ ᐊᑐᕈᑎᑦ ᐆᑦᑐᕋᙳᐊᓚᐅᖅᑎᓪᓗᒋᑦ ᖃᑦᑎᐅᓕᕋᔭᕐᒪᖔᕐᒥᒃ ᑮᓇᐅᔭᑦ, ᓇᓗᓇᐃᖅᓯᓯᒪᕗᑦ ᐊᒥᓲᓛᖏᑦ ᐊᑭᓕᐅᑕᐅᔪᒃᓴᑦ ᐊᒥᓲᓂᖏᑦ ᐸᐸᑦᑎᔨᒃᑯᑦ ᑐᓂᔪᓐᓇᖅᑕᖏᑦ ᐊᕐᕌᒍᑕᒫᑦ, ᐱᕚᓪᓕᖅᓯᓐᓈᕐᓗᑎᑦ ᐸᐸᑦᑎᔨᒃᑯᑦ ᐱᓇᓱᐊᒐᖏᑦ, ᐃᒪᓐᓇᐅᕗᑦ 4%. ᐸᐸᑦᑎᔨᒃᑯᑦ ᑮᓇᐅᔭᓕᐅᕈᑎᖃᕋᓱᐊᕐᓂᖏᑦᑕ ᖃᓄᖅᑑᕈᑎᖓᑦ ᐋᖅᑭᓱᖅᑕᐅᓯᒪᕗᖅ ᑕᒪᒃᑯᐊ ᐱᕚᓪᓕᖁᔭᐅᓪᓗᑎᑦ ᐊᑭᓕᐅᑎᒋᔭᕆᐊᖃᓲᖏᑦ ᐊᒻᒪᓗᑦᑕᐅᖅ ᓂᕆᐅᓐᓂᖃᕐᕕᐅᓂᖏᑦ ᑕᐃᒃᑯᐊ ᑮᓇᐅᔭᑦ ᐊᑭᒋᓲᖏᑦ ᐊᒥᓱᕈᓗᐊᕋᓗᐊᕈᑎᓪᓘᓐᓃᑦ ᖃᑦᑏᓐᓇᕈᓗᐊᕋᓗᐊᕈᑎᓪᓘᓐᓃᑦ ᐊᑐᖅᑕᐅᓲᑦ ᓄᓇᕐᔪᐊᕐᒥ. ᐊᑭᓕᖅᓱᐃᑦᑎᐊᖃᑦᑕᖁᓪᓗᒋᑦ, ᑐᙵᕕᖓᑦ ᐊᑐᖅᑕᐅᓲᖅ 4% ᓈᓴᖅᑕᐅᓂᖓ ᐊᕐᕌᒍᑕᒫᑦ ᐊᑐᖅᑕᐅᓗᐊᙳᐊᓲᖅ ᐸᐸᑦᑎᔨᒃᑯᑦ ᐱᖁᑎᓂᑦ ᐊᕙᑏᑦ ᑎᓴᒪᐃᕋᖅᑎᖅᑕᐅᓲᑦ ᐊᕐᕌᒍᒥ ᐃᓱᓕᑦᑎᑦᑐᒍ ᓯᑎᐱᕆ 30th ᓯᕗᓂᐊᓂ ᐊᕐᕌᒍᖓ ᐊᑐᖅᑕᐅᓪᓗᓂ.