Taapkua Katimayiuyut maniliqiniqmik havaaghalgit munaqhiyaamik Katiqhuivingnik, kihimi Katimayiit tikkuaqhihimayut Katiqhuivium Atanilluanganik Aulapkaiyiryuaq tamangnik atannguyat havaaghainik taimaa Katimayiit iniqhiyaamik havaaghainik. Ikittut havaktiuyut hitamauyut munarivagait upluq-tamaat havaaghainik Katiqhuivium hivuliqtiqaqhutik Atanilluamik Aulapkaiyiryuamik qakugunnguraangat naunaiqhitivaktuq Katimayinut.
Katimayiit tikkuaqhihimayut ilikkuuqtumik manighiurniqmut Unniqtuiyit Katimayiralaanik (“IAC”) ikkuaqtighat ayuittut ihumatuyullu manighaqhiurniqmut Katiqhuiviit havaktiinut. IAC-kunnut ilauyut taapkua Katiqhuivium Atanilluangat Aulapkaiyiryuaq taapkualu hitamauyut hilataanirmiut katimayiit havakpaktut manighiurniqmut havaaghanit talvuuna tikkuaqtauvianit aallatqiingniklu ilihimayalgit hannavingnit havaghimaplutik ayuqiqtuqtaghait katimayinut. IAC-kut katimayiit tikkuaqtauvaktut havaktitauplutik hitamanik ukiunik tikkuaqtautqilaaqhutik ahiagut havakvighaanik hitamanik ukiunik. IAC-kut katimavaktut hitamaiqtuqhutik (amigaitqiyaanikluuniit ihuaqutauniaqqat), naunaiqhitivaktuq Atanilluamut Aulapkaiyiryuamut, katimaqatigivaghugit katimayiit atauhiiqhutik ukiuq tamaat. Ataagut Uqauhiit Maliktaghanut, IAC-kut unniqtiuvaktut Katiqhuivium havaktiinut Katiqhiuvium havaaghainut, manighiurniqmut, hannaviuplu havauhilluanganik. Hanauhia, atuqtittiviat, munaqtiuyullu manighiurniqmut havaaghanik munaqtaghariyaita Katiqhuivium havaktiit.
Hilataanirmiut unniqtuiyit havaktitauvaktut iharianaqqat ayuittut qauyihaqtittiyaamik Katiqhuiviup havaktiinik qaffinut havaaghainut Katiqhiuvingni manighiurniqmut havaaghanut.
Katimayiit havaktiillu ikayuqtauvaktuttauq qaffinit aallanit havauhirnit Katiqhuivium maligaliqiyit unniqtuiyiinit, Gowling WLG ihivriuqtaunikkulu taaksiiyautinullu ayuittunit KPMG-kunni Ottawa-mi.
